ALLAHU AKBAR: Sheikh Adamu Aliyu Mai Gora Ya Rasu.

ALLAHU AKBAR: Sheikh Adamu Aliyu Mai Gora Ya Rasu.

INNALILLAHI WA’INNA ILAYHIRRAJIUN
Allah Yayiwa Sheikh Adamu Aliyu Mai Gora Babban Ma Gabatarwa Na Kungiyar Izala Ta Kasa (Jibwis National M.C) Rasuwa, Za’ayi Jana’izarsa Yau A Gidansa Dake Kaduna.
Allah SWA Ya Jikan Ya Gafarta Masa Yasa Aljannah Fiddausi Ta Kasance Makomarsa.

image

MAKIRCIN ‘YAN SHI’A NA YIN AMFANI DA MAULIDIN BANA DON TAYAR DA FITINA

MAKIRCIN ‘YAN SHI’A NA YIN AMFANI DA MAULIDIN BANA DON TAYAR DA FITINA

image

‘Yar manuniya mai karfi tayi nuni da cewa,  ‘yan shi’a sun shirya amfani da tawagar masu yin maulidi don aiwatar da tsokanan da suka saba ga gwamnati da jami’an tsaro,  tare kuma da tayar da tarzoma.

image

A bayyane yake cewa ‘yan shi’a sun yi ta kokarin tayar da fitina a Abuja,  sun tunzura jami’an tsaro kuma sun firgita matafiya a kan hanya,  wanda hakan sai da yayi sanadiyya jami’an tsaro suka dau matakin gaggawa don takawa abun birki.

Sanin kowa ne ‘yan shi’a suna rãbe a masallatai da cibiyoyin ‘yan darika da sunan suna tare da su.

Abubuwan da suka faru a baya sun bayyana wa duniya cewa makirci ne ya sa ‘yan shi’a fakewa a masallatan ‘yan darika,  saboda abunda suke so shine su yi amfani da ‘yan darika su tayar da tarzoma,  idan jami’an tsaro suka far wa ‘yan darika to bukatar su ta biya,  saboda za’a ce ba su kadai ne masu fada da jami’an tsaro ba.
Masali mai karfi shine abun da ya faru a karamar hukumar  Patiskum na jihar Yobe a maulidin shekarar 2016.

image

Yayin da ‘yan darika suka fito da tawagar su don yin zagaye na Maulidi kamar yanda suka saba, kawai sai ‘yan shi’a suka fito su ma suka shiga tawagar maulidi. Sai suka sake warewa suka je neman tsokanan sojoji,  suka bi wata hanya da sojoji suka tare. Da suka ga sojoji sun biyo su sai suka dawo suka hade da tawagar maulidi, sojoji kuma suka biyo su,  nan da nan komai ya rinchãbe. Allah ya taimaka jami’an tsaro basu bude wuta ba,  amma duk da haka sai da wasu suka raunata garin gudu.

Irin wannan shine burin ‘yan shi’a a kowani shekara idan lokacin maulidi ya taso,  kuma idan ‘yan darika basu tashi tsaye suka nesanta kan su da ‘yan shi’a ba,  to zasu cigaba da janyo wa mabiyan su fushin hukuma. Burin su shine su tayar da fitina da sunan Darika,  idan gwamnati ta dau mataki sai su dawo suna cewa ai daman duk Darika da Shi’a abu daya ne kuma gwamnati bata son su gabatar da abubuwan su a kasar nan.
Yan shia sunyi kaurin suna wajen tayar da fitina da fada da gwamnati.

Tun bayan fito-na-fito da sukayi da Sojoji a garin Zariya inda aka chafke jagoran su, bayanai sun yi ta bayyana yanda shugaban yan shia Ibrahim Zakzaky ya tarbiyantar da mabiyan sa akan fada da gwamnati da kuma haddasa husuma a kasa. Wannan kuma yana biyo bayan kaurin suna da sukayi wajen zagin sahabban manzon Allah SAW da iyalan gidan sa.

Tun  da aka kama jagoran shia Zakzaky a Nijeriya yan shia suka shafe Kalmar zaman lafiya a littafan su. Farko sun hotunan su sun bayyana a wani azure sun hura wuta wai suna tsafin hambarar da gwamnatin Nijeriya, daga baya sai suka fara zanga zangar lumana, dayake burin su shine su tayar da fitina, sai suka koma fada da jamian tsaron Nijeriya da gwamnati kai tsaye a yayin zanga-zangar.

image

Yin nesa da mutumin da yake tayar da fitina shine mafita a zamanin da muke ciki na dosowar siyasa. Kuma har yanzu muna fiskantan barazanar ‘yan ta’addan Boko Haram. Misali yanzu jihar Yobe da ‘yan shi’a suka tsokano jami’na sojoji,  wanda kowa yasan wuri ne da ake fama da matsalar tsaro,  kuma jami’an tsaro na da izinin harbi a ko da yaushe.

Wannan yasa dole shugabannin darika a Nijeriya su yi saurin daukan mataki ta hanyar tantance wadanda suke tafiya da jama’ar su a wurin maulidi,  tare da dakatar da ‘yan shi’a daga kusantar wuraren maulidi.

Idan ba makirci ba,  babu mahadi tsakanin shi’a da maulidin Annabi ko sahabban sa,  saboda yanda suke zagin sahabbai. Dubban matasa ne suke fita maulidi a kowace shekara,  haka kuma dama shi mugun mutum yana duba inda yafi jama’a ne yake tayar da tarzoma.

Wannan hanunka mai sanda ne ga ‘yan dariku. Haka kuma kira ne ga jami’an tsaro da su nazarci wannan makirci na ‘yan shi’a.

Allah ya zaunar da kasar Nijeriya lafiya,  Amin.

FIFITA TSAKANIN KISHIYOYI HARAMUN NE !!! Dr. Jamilu Zarewa

*FIFITA TSAKANIN KISHIYOYI HARAMUN NE !!!*
*Tambaya*
Assalamu Alaikum.
Malam na kasance inna kyautata Ma mijina iya gwargwadona, to amma matsalan ba ni kade bace sai yakasan ce nima yana mun duk wani Abu najin dadi da kyautatawa fiye da kishiyar tawa wani Lokacimma baya Boyewa to shin malam bama Shiga hakkinta. Menene hukuncin haka.
Nagode
*Amsa*
Wa alaikum assalam
Ya wajaba ayi adalci a lamura na zahiri (kamar abinci, tufa) tsakanin kishiyoyi, Annabi SAW yana cewa: “Duk Wanda yake da mata biyu, amma bai yi adalci a tsakaninsu ba, zai zo ranar alkiyama sahensa daya a shagide”.
Ya halatta in kana da mata guda biyu ka fi son daya daga ciki, ka fi jin dadin saduwa da ita, ka fi dadewa a dakinta, Annabi SAW ya fi son nana Aisha akan duka matansa tara da ya mutu ya bari, kuma matansa da sahabbansa sun san hakan, kamar yadda ya tabbata a sahihul Bukhari.
Allah ne mafi sani
*Amsawa*
*DR. JAMILU YUSUF ZAREWA*
12/08/2018

CAN A WOMAN URINATE WHILE STANDING ?DR. JAMILU ZAREWA

CAN A WOMAN URINATE WHILE STANDING ?
*Question:*
Assalamu alaikum wa rahmatullahi wa barakaatuhu. Please Malam, what is the Islamic ruling concerning a woman or a man who urinates while standing?
*Answer:*
It is permissible for a man to urinate while standing, this is supported by a hadith narrated by Bukhari: “Prophet went to a certain people’s waste land and urinated while standing” as it was narrated by Bukhari with the Hadith number: 222.
In spite of the fact that, any ruling that comes from the prophetﷺ is applicable to both man and woman if there’s no reason to separate it, indeed, a woman’s urination while standing will cause problems in her (body) purification due to the nature of her creation.
It is one of the laws of Shari’a – To introduce forth an obligation over what has been made permissible. It’s permissible for a woman to urinate while standing but it comes with difficulty in ensuring a perfect purification without which prayers will not be genuine.
All hadiths that came with the saying concerning the Prophet’s forbidding of urinating while standing are not authentics except the hadith of Nana A’isha whose authenticity was rendered valid by Hakim, where she was saying:
“Whoever tells you the Prophet ﷺ urinated while standing, you should not believe him.” This was narrated by Nasa’i with Hadith number: 29.
The Ulama’ are saying: her sayings could be considered in the sense of narration concerning what she must have seen. However, this does not mean that there could be something different that she does not know, since it’s not every time that she sits together with him, this is one of the rules in the sight of scholars of Usulul-fiqh (Root Of Islamic Jurisprudence:
He who is sure of something, his saying will be given higher priority over one who’s not. Because of that, one that is sure has special additional knowledge not apparent to the latter.
For more clarifications, check: Sharhu Assuyudy ala Sunani Annasa’i 1\26.
Allah knows best.
08/03/2016
Answered by:- Dr. Jamilu Zarewa.

IDAN AKA SAMU RIKITA-RIKITA A WAJAN SAKI, ZUWA KOTU SHI NE MAFITA !! DR. JAMILU ZAREWA

IDAN AKA SAMU RIKITA-RIKITA A WAJAN SAKI, ZUWA KOTU SHI NE MAFITA !!
*_Tambaya_*
Assalamu’Alaikum wa Rahmatullahi wa Barakatuh! Don Allah Mallam ina fatawa akan batun Auren yarinyar da Mijinta suka samu matsala har ta kai ga ta koma gida akan cewa ba ta son shi.
A takaice dai mijin da yaje gidan su, ya tambayeta akan ‘yanzu me take so’? Sai tace masa ita rabuwa take so su yi, Sai yace mata to kije mun rabu, Kuma gobe kafin karfe 10 na safe ki zo ki kwashe kayanki, Kuma ki bada ‘yata a kawo min, Sai ta ce da shi ai a rubuce ake yi, sai yace mata, ai sanda aka daura auren ba’a ce ya rubuta ba, saboda haka yanzu ma ba sai ya rubuta ba. Bayan anyi haka, sunje kwashe kaya sai yace ai shi bai ce ya sake ta ba. Har sai da lamarin ya kai ta matsa masa akan takardar, sai ya rubuta cewa” Ni wane na saki matata saki daya, amma na maida ita”
Mallam sai tace masa ai ba’a rubuta haka Saidai ya rubuta sakin kawai.. amma maidawar Sai ya zo daga baya a furuci kawai. Sai ya karbi wannan takardar ya yaga ya sake rubuta wata, cewa yayi saki daya, a bisa sharadin in yayi hakan za ta koma? Tace da shi za ta koma. To amma bayan ya rubuta sai Ta ce ita wallahi ba zata koma ba. Shi kuma mijin yace ya maida ta, ita kuma ta ce wallahi ba za ta komaba koda ko zata mutu ne.
Malam tace ita aurenshi ya zamo mata wani abin al’ajabi don ba ta taba jin sonsa a ranta ba ko da da kwayar zarra ne a ranta. saboda munanan halayensa sun sa ba ta iya yi masa biyayya ko kadan. Kuma tace ba zata taba iya yin hakan ba. Don haka sai take ganin hanyar halaka ce suka kama dukkansu. Don haka ita bazata iya komawa ba, Shi kuma yace halayensa da basu da kyau babu wanda ya isa yasa shi ya canza, koda ko mahaifiyar sa ce da mahaifin sa, malam yana neman mata, da tayi magana sai yace mata wallahi yanzu ya soma. Wai meyasa iyayenta ba su yi bincikeba tun farko, suka daura musu auren?
Don Allah Malam menene mafita anan? Yanzu haka saboda bakin cikin lamarin , tana nan a kwance ba lafiya.
*_Amsa_*
Wa alaikumus salam
Sakin mace da baki yana daidai da sakinta a rubuce, magana ma tafi rubutu karfi a shariance, don haka ta saku tun furuncinsa na farko.
Idan miji ya saki matarsa saki daya yana da damar da zai mata kome mutukar ba ta gama idda ba, kuma iyayen matar ko ita kanta ba su da damar da za su ja masa birki kamar yadda aya ta (228) a suratul Bakara ta tabbatar da hakan.
Idan bangaren amarya da Ango suka jaa daaga aka kasa samun matsaya, zuwa kotu shi ne maslaha, fatawa ba za ta yi tasiri ba, saboda alkali yana da karfin hukuma, malami kuma aikinsa bada hukuncin Allah kawai, wannan yasa nake baku shawarar zuwa kotu don ta warware muku rikicin da kuke ciki.
Ya halatta mace ta nemi saki idan ya zamanto akwai cutarwa tsakaninta da mijinta ko kuma ba za ta iya tsayawa da hakkokinsa ba, kamar yadda kissar Thabit bn Kais bn Shammas da matarsa Jamila ta tabbatar da hakan a hadisai ingantattu.
Allah ne mafi sani
*_Dr. Jamilu Zarewa_*
12/09/2018

AMFANA DA LOKACI DR.JAMILU ZAREWA

AMFANA DA LOKACI
Magabata sun kasance suna bada himma wajan amfana da lokacinsu, ba sa barin wani bangare na lokacin ya tafi a banza, kai wasu ko bayan gida suka shiga suna da wanda zai yi musu karatu daga waje, don kar wannan lokacin ya tafi a banza, daga cikin malamai akwai wanda ba ranar da take wuce shi bai yi wani ilimi da zai amfane shi ba, na san malamin da ya lazimci IBNU BAAZ bai taba fashi ba a darusansa a cikin shekaru ashirin da bakwai sai sau daya, Imamu shafi’i yana cewa :
أليس من الخسران أن ليالياً * * تمرّ بلا نفعٍ وتحسب من عمري
*Ma’ana :*
Yanzu ba ya cikin asara darare su wuce ban amfana da su ba (wajan neman ilimi) kuma na kirga su a cikin shekaruna na rayuwa
Sannan kar ka jinkirta neman ilimi zuwa wani lokaci na musamman, kar ka ce sai lokaci kaza zan fara, saboda ajalinka zai iya zuwa ba ka sani ba, kamar yadda wasu mutanen suke yi idan aka yi musu maganar neman ilimi sai ya ce misali shekara mai zuwa zan fara, wannan kuskure ne saboda shekarar za ta iya zuwa da wasu abubuwa wadanda za su hana ka neman ilimin.
Kuma wadannan kwanakin, da suke zuwa su wuce ba za su taba dawowa ba, kamar yadda kowa ya sani, Hasanul Basari yana cewa (Ya kai Dan Adam ba wani abu ba ne kai illa kwanaki, duk lokacin da kwanaki su ka tafi, to wani bangarenka ya tafi). duba hilyatu Al-auliya’a na Asfahani 2\147
*Rubutawa*
*DR. JAMILU YUSUF ZAREWA*
27/9/2013

​SANYA BAKIN KAYA SABODA NUNA ALHINI ?

​SANYA BAKIN KAYA SABODA NUNA ALHINI ?
*_Tambaya_*
Assalamu alaikum, inada tambaya, Christain class mate dina ce ta mutu, so sai akace kowa a makaranta yasa baqaqen kaya, shin ya halatta a musulunci mu musulman Makarantar musa?
*_Amsa_*
Wa’alaikumus salam
Bai halatta ku sanya ba, saboda musulunci ya hana kamanceceniya da Kafirai.
Sanya bakin kaya lokacin musiba, ba al’ada ce ta musulmai ba.
Allah ne mafi sani
*_Dr. Jamilu Zarewa_*
01/10/2018