SHEKARU 25 DA RASUWAR SHEIK ABUBAKAR GUMI TAKAITACCEN TARIHINSA

An haifi Marigayi Shaikh
Abubakar Mahmud Gumi
ne a cikin garin Gumi
dake jihar Sokoto, a
shekara ta 1340 bayan
Hijira dai dai da shekarar
Miladiyya 1922.
Malam ya tashi ne cikin
kyakkyawar tarbiyya da
natsuwa da tsafta da
neman Ilimi karkashin
kulawar mahaifin sa
(Alkalin Gumi a wancan
zamanin).
Haka kuma marigayi
Sheik Gumi ya yi
karance-karance na
zaure a majalisi daban
daban na Malaman da
suka shahara a kasar
Hausa a wancan lokaci,
tare da karatu na
nizamiyya daga nan
kasar har kasar Sudan
da kasar Saudi Arabiya.
Shaikh Abubakar Gumi
mutum ne mai kokarin
binciken Al-kur’ani da
Sunna kan hukunce
hukuncen Shari’a, tun
daga abin da ya shafi
Tauhidi, Hadisi, Fikhu da
luggar Larabci, wanda
karantarwar da ya yi ta
tabbatar da haka.
Malam ya yi rubuce-
rubuce masu yawa,
kadan daga cikin su
akwai:-
*Al Akeedatus
Saheehah bi
Muwaafakatish Shari’ah
*Tarjamar Ma’a’nonin
Al-ƙur’ani Mai Girma.
Tafsirin Al-kur’ani:
*Raddul Azhaan ilaa
Ma’aanil Kur’an.
*Tarjamar littafin
Hadisin “Arba’uunan
Nawawiy”
Littafi mai suna
*Manufata” ko (Where I
Stand).
Wannan littafi ya na da
matukar amfani ga
sanin tarin siyasar
kasar nan da ta shafi
Addini da Mulki da
sauransu.
Sheik Gumi ya rasu ne a
ranar 11 ga watan
Satumba, 1992.
Marigayi Sheikh Gumi
baya zagi ko habaici ga
wani, hasalima in ka jefi
shi da baƙar magana,
shi sai ya jefo maka
fara tas.
Allah ya jikan Malam, ya
gafarta masa da sauran
Musulmai muminai
Amin.
Daga Jibwis Nigeria

Advertisements