IZALA KADUNA ZATAYI WA’AZI A GARIN DOKAN TAGWAI, KUBAU LG

*WA’AZI.! WA’AZI.!! WA’AZI.!!!*
A Madadin Kungiyar Jama’atu Izaltil
Bid’ah Wa’iqamatis-Sunnah reshen Jihar
Kaduna Karkashin Jagorancin
Shuwagabannin Kungiyar ta Jiha
– Alhaji Muhammad Tukur Isa (Shugaban Kungiya ta Jiha)
– Sheikh Aliyu Telex
(Shugaban Majlisar Malamai ta Jiha)
– Mallam Adamu Ibrahim
( Daraktan ‘Yan Agaji ta Jiha)
Suke Gayyatar Al’ummar Musulmi Ahlus- sunnah Wal-jama’ah Zuwa Wurin
Gagarumin Wa’azin Kungiyar Izala ta
Jiha Wanda ta shirya zai gudana kamar
haka;
*- Gari; *Dokan Tagwai, Kubau LG,
Kaduna State*
*-Rana;* Asabar/Lahadi 28-29 Rajab 1439, 14-15 April
2018*
*MALAMAI MASU WA’AZI*
Ana Saran Halartan Manyan Malamai Da Alarammomi Da Zasu Yi Wa’azi Kamar Haka;

– Sheikh Aliyu Abdullahi Telex
– Sheikh Dr. Yusuf Ibrahim Kubau – Sheikh Muhammad Jamil Abubakar
Albani
– Sheikh Usman Saleh
– Sheikh Nasiru Yusuf Khidir
– Imam Aminu Ramin Kura
– Imam Khidir Manufa – Mallam Muhammad Kabiru Idris Kauru
– Mallam Isa Nasir Birnin Gwari
– Mallam Muhammad Nura Mujahid
– Mallam Muhammad Nazifi Hashim
– Mallam Musa Ibrahim (Alkali)
– Mallam Muhammad Auwal Adam Kudan – Mallam Salihu Muhammad Adam
– Mallam Bashir Sulaiman Gazara
– Mallam Aminu Kabiru Makarfi
– Mallam Salisu Makarfi
*ALLARAMMOMI*
– Alaramma Salisu Ung. Kanawa – Alaramma Ridwan Pambegua
– Alaramma Shu’aibu Usman Zuntu
– Alaramma Abdullahi Lawal Makarfi
– Alaramma Yusuf Ibrahim Meyere
*MASU GAYYATA*
1- Sheikh Yusuf Ibrahim Kubau (Mataimakin Shugaban Majalissar Malamai Na Jiha)
2- Malam Habib Idris Anchau (Shugaban Jibwis kubau LG)
_*Sanarwa Daga Shugaban Kungiya Izala Na Karamar Hukumar Kubau, Malam Habib Idris Anchau*
_*Abubakar Nuhu Yahya Koso #IbnNuhAssunnee*_
_*V.Chairman Jibwis Social Media Kubau LG*_
*27 Rajab 1439*
*12 April 2018*

Advertisements

KUNGIYAR IZALA TA GABATAR DA WA’AZIN ƘASA A GARIN JOS

KUNGIYAR IZALA TA GABATAR DA
WA’AZIN ƘASA A GARIN JOS
Daga Abdullahi Salisu Faru
Kungiyar Wa’azin musulunci ta Jama’atu
Izalatil Bidi’a Wa Iƙamatis Sunnah ta
tarayyar Naijeriya ƙarƙashin Jagorancin Sheikh Abdullahi Bala Lau, ta gabatar da
wa’azin Ƙasa a ranakun Asabar da
Lahadin da suka gabata 24 zuwa
26/2/2018 a garin Jos.
Wa’azin wanda dubban musulmi suka
halarta, an gabatar da shi a filin masallacin Idin Ali Kazaure dake birnin
na Jos ta jahar Filato.
Mahalarta wa’azin sun fara farar ɗango
zuwa garin jos tun ranar Alhamis.
Malamai da dama ne suka gabatar da
wa’azozi waɗanda sukayi magana akan tauhidi, Ibada, Mu’amala da sauran
ɓangarori waɗanda suka shafi rayuwar
ɗan adam.
Wa’azozan waɗanda aka gabatar a daren
ranar Asabar da kuma safiyar ranar
lahadi, ya samu halartar kusan dukkanin shugabannin kungiyar na Ƙasa da na
jahohi, malamai da yan Agaji.
Daga cikin Malaman da suka gabatar da
wa’azin sun haɗa da Shugaban Kungiyar
Na Ƙasa kuma jagoran haɗin kan ahlus
sunnah na Africa da Turai Sheikh Abdullahi Bala Lau, Sakatarensa Sheikh
Kabiru Haruna Gombe, da sauran
malamai daga sassa daban daban na
Ƙasar nan.
Da yake gabatar da wa’azi, shugaban
kungiyar Sheikh Bala Lau ya tunatar da al’ummar musulmi akan ɓuƙatar da ke
akwai ta ƙarɓar katin jefa ƙuri’a wanda
yanzu haka hukumar zaɓe ta ƙasa ke
gabatarwa a hedikwatar ƙananan
hukumomi da ke faɗin Najeriya.
Shugaba Bala Lau yayi kira ga matasa da su guji ɗabi’ar nan ta shan miyagun
ƙwayoyi waɗanda ke ɗauke hankula.
Shugaban ya shawarci gwamnatoci da su
ɗauki matakin hanawa tare da rufe
dukkanin wata cibiya da ake shan
ƙwayoyi a fadin kasarnan. A lokacin wa’azin wani bawan Allah mai
suna Yaƙub ya ƙarɓi kalmar shahada a
hannun daraktan Ilimi na kungiyar a
matakin Ƙasa Sheikh Dr. Abdallah Sale
Pakistan, kafin musuluntarsa yana amsa
sunan Elesha ne amma bayan ya karɓi musulunci ya koma Yaƙub.
A lokacin da wa’azin ke gudana, kwamitin
Jibwis Social Media na Ƙasa ƙarƙashin
daraktan kwamitin Alh. Ibrahim Baba
Suleiman sun kawo wa’azin kai tsaye,
inda alƙaluma suka nuna sama da mutum dubu Arba’in ne suka kasance tare da
wa’azin daga sassa daban daban na
duniya.
Muna Rokon Allah ya bamu ikon aiki da
abunda aka yi mana wa’azi akai. Amin.

Kungiyar Izala Ta Halarci Taron Tabbatar da Zaman Lafiya a Arewacin Najeriya.

Kungiyar Izala Ta Halarci Taron
Tabbatar da Zaman Lafiya a Arewacin
Najeriya.
Shugaban Kungiyar Izala ta Kasa Ash-
Sheikh Imam Abdullahi Bala Lau Ya
samu halartar Taron da Sufeton Yan Sanda na Kasa IG Ibrahim Idris ya Shirya
a Dandalin Murtala Muhammad dake
Kaduna Don Tabbatar da ingantaccen
Zaman Lafiya a arewancin kasar, ganin
yadda mutanen yankin na arewa Suke
fama da yan ta’adda daban-daban. Da alamu Taron ya cimma Nasarar sa
ganin yadda aka tattauna batutuwa
masu amfani Wanda ake sa ran zasu
kawo sauyi akan abinda ya shafi tsaron
kasar musamman arewacin kasar.
Shugaba Bala Lau ya Sami rakiyar wasu daga Cikin Wakilan Kungiyar Izala,
– Sheikh Yakubu Musa Hassan Katsina
– Injiya Mustapha Imam Sitti
– Alhaji Tukur Isa
– Sheikh Imam Aliyu Telex
– Alh. Auwal Gulma – Wakilan Social Media.
Taron ya sami halartar Manyan Mutane
daga ko’ina na arewacin Najeriya
Gwamnoni, Sarakuna da Jami’an tsaro.
Jibwis Social Media Kaduna State
12 Jimadal Akhir 1439 28 February 2018

SHUGABAN IZALA NA JAHAR JIGAWA YA FARA ZIYARAR AIKI A KANANAN HUKUMOMI JAHAR JIGAWA

SHUGABAN IZALA NA JAHAR JIGAWA
YA FARA ZIYARAR AIKI A
KANANAN HUKUMOMI JAHAR JIGAWA
INDA YAKE ZAMA A SHEDI KWATAR
MASARAUTU. A Safiyar ranar Asabat din data gabata
23-Jimada-Ul-Awwal-1439 wanda
yadace da 10-February-2018.
Shugaban Izala na Jahar Jigawa Malam
Abubakar Jibrin Hadejia da tawagar
maluma da ‘yan agaji suka fara ziyara aiki a masaratun jahar ta jigawa, inda
yau aka fara da, Gumel (Gumel Emirate)
Maidauke da kananan hukumomi hudu. Makasudun wannan ziyara shine ziyarar
shugabanin wannan kungiya da’ya’yanta
don ganin juna ayiwa juna fatan Alkhairi,
da zaburar dasu akan tashi da cigaba da
wannan aiki na Da’awa wanda shine sila
na kafa wannan kungiyar, Alhamdulillah zama yayi Albarka kowa ya
halatta daga kan shugabanni malamai
‘yan agaji limaman juma’ah da sauransu. Dafatan Allah yadaukaka Ahlissunnah A
duniya ya nesantama bidi’ah da shirka da
son zuciya Amin.
Kubiyomu a masaratun ta gaba. Hussaini Bin Zakariyya
14/Feb/2018

IZALA KADUNA ZATAYI WA’AZI A GARIN NASARAWAN DOYA, MAKARFI.

*WA’AZI.! WA’AZI.!! WA’AZI.!!!*
A Madadin Kungiyar Jama’atu Izaltil
Bid’ah Wa’iqamatis-Sunnah reshen Jihar
Kaduna Karkashin Jagorancin
Shuwagabannin Kungiyar ta Jiha
– Alhaji Muhammad Tukur Isa (Shugaban Kungiya ta Jiha)
– Sheikh Aliyu Telex
(Shugaban Majlisar Malamai ta Jiha)
– Mallam Adamu Ibrahim
( Daraktan ‘Yan Agaji ta Jiha)
Suke Gayyatar Al’ummar Musulmi Ahlus- sunnah Wal-jama’ah Zuwa Wurin
Gagarumin Wa’azin Kungiyar Izala ta
Jiha Wanda ta shirya zai gudana kamar
haka;
*- Gari; *Nasarawan Doya Makarfi LG,
Kaduna State* *- Rana;* Asabar/Lahadi 17-18 February
2018
*IYAYEN TARO*
1- Mai Girman Dan Malikin Zazzau
Hakimin Nasarawan Doya
Alhaji Isa Sulaiman 2- Magajin Garin Nasarawan Doya
Alhaji Muhammad Sulaiman
*MASU MASAUKIN BAKI*
1- Kantomar Riko Karamar Hukumar
Makarfi, Alhaji Garba Sani Aliyu
2- Engr. Abdullahi Shehu Nasarawan Doya
3- Imam Musa Abubakar Nasarawan
Doya
*MALLAMAI MASU WA’AZI*
– Sheikh Aliyu Abdullahi Telex
– Sheikh Dr. Yusuf Ibrahim Kubau – Sheikh Muhammad Jamil Abubakar
Albani
– Sheikh Usman Saleh
– Sheikh Nasiru Yusuf Khidir
– Imam Aminu Ramin Kura
– Imam Khidir Manufa – Mallam Muhammad Kabiru Idris Kauru
– Mallam Isa Nasir Birnin Gwari
– Mallam Muhammad Nura Mujahid
– Mallam Muhammad Nazifi Hashim
– Mallam Musa Ibrahim (Alkali)
– Mallam Muhammad Auwal Adam Kudan – Mallam Salihu Muhammad Adam
– Mallam Bashir Sulaiman Gazara
– Mallam Aminu Kabiru Makarfi
– Mallam Salisu Makarfi
*ALLARAMMOMI*
– Alaramma Salisu Ung. Kanawa – Alaramma Ridwan Pambegua
– Alaramma Shu’aibu Usman Zuntu
– Alaramma Abdullahi Lawal Makarfi
– Alaramma Yusuf Ibrahim Meyere
*MASU GAYYATA*
1- Alhaji Muhammad Umar Kwasau Gimi (Shugaban Jibwis Makarfi LG)
2- Imam Haruna Rashid Makarfi
3- Mallam Muhammad Sani Abubakar
Gazara
4- Alaramma Lawal Makarfi.
ALLAH Ya bada ikon halarta, amin Sanarwa Daga
Majlisar Watsa Labarai ta Jihar Kaduna.
*Jibwis Kaduna*
27 Jumadal Ulaa 1439
14 February 2018

004 BAYANI AKAN DA’AWAH BISA KOYARWAR ALQUR’ANI DA SUNNAH

^^^ZAUREN MUSLIM UMMAH^^^
.
LITTAFI: BAYANI AKAN DA’AWAH BISA
KOYARWAR ALQUR’ANI DA SUNNAH.
.
WALLAFAR: SHEIKH ALIYU SA’EED GAMAWA.
.
___________FITOWA TA
4___________
.
Malam ya cigaba da bayani akan TUSHEN DA’AWAH da cewa:
.
Wannan aiki na Da’awah tasirinsa bai
taqaita ga d’an Adam ba, amma ya had’a
har da al’ummar Aljanu. Manzon ALLAH
(Sallallahu Alaihi Wasallam) ya kai da’awah har zuwa ga jama’ar Aljanu, sun
saurare shi kuma sun taimake shi wajen
yad’a wannan saqo zuwa ga al’ummomin
su, kamar yadda Alqur’ani ya tabbatar da
haka:
. ﻭَﺇِﺫْ ﺻَﺮَﻓْﻨَﺎ ﺇِﻟَﻴْﻚَ ﻧَﻔَﺮًﺍ ﻣِّﻦَ ﺍﻟْﺠِﻦِّ ﻳَﺴْﺘَﻤِﻌُﻮﻥَ ﺍﻟْﻘُﺮْﺁﻥَ
ﻓَﻠَﻤَّﺎ ﺣَﻀَﺮُﻭﻩُ ﻗَﺎﻟُﻮﺍ ﺃَﻧﺼِﺘُﻮﺍ ﻓَﻠَﻤَّﺎ ﻗُﻀِﻲَ ﻭَﻟَّﻮْﺍ ﺇِﻟَﻰٰ
ﻗَﻮْﻣِﻬِﻢ ﻣُّﻨﺬِﺭِﻳﻦَ٭ ﻗَﺎﻟُﻮﺍ ﻳَﺎ ﻗَﻮْﻣَﻨَﺎ ﺇِﻧَّﺎ ﺳَﻤِﻌْﻨَﺎ ﻛِﺘَﺎﺑًﺎ
ﺃُﻧﺰِﻝَ ﻣِﻦ ﺑَﻌْﺪِ ﻣُﻮﺳَﻰٰ ﻣُﺼَﺪِّﻗًﺎ ﻟِّﻤَﺎ ﺑَﻴْﻦَ ﻳَﺪَﻳْﻪِ ﻳَﻬْﺪِﻱ ﺇِﻟَﻰ
ﺍﻟْﺤَﻖِّ ﻭَﺇِﻟَﻰٰ ﻃَﺮِﻳﻖٍ ﻣُّﺴْﺘَﻘِﻴﻢٍ٭ ﻳَﺎ ﻗَﻮْﻣَﻨَﺎ ﺃَﺟِﻴﺒُﻮﺍ ﺩَﺍﻋِﻲَ
ﺍﻟﻠَّﻪِ ﻭَﺁﻣِﻨُﻮﺍ ﺑِﻪِ ﻳَﻐْﻔِﺮْ ﻟَﻜُﻢ ﻣِّﻦ ﺫُﻧُﻮﺑِﻜُﻢْ ﻭَﻳُﺠِﺮْﻛُﻢ ﻣِّﻦْ ﻋَﺬَﺍﺏٍ ﺃَﻟِﻴﻢٍ
.
” Kuma lokacin da muka juya wadansu
jama’a na Aljanu zuwa gareka suna
sauraren alqur’ani, to a lokacin da suka
halarce shi suka ce, kuyi shiru, sannan da aka kare, suka juya zuwa ga jama’arsu
suna musu gargad’i ٭ Suka ce Ya mutanenmu, lallai mu munji wani littafin
an sauqar dashi a bayan Musa, mai
gaskatawa ga abunda ke gaba dashi,
yana shiryarwa ga gaskiya da kuma zuwa
ga hanya madaidaiciya ٭ Ya mutanen mu! Ku kar6awa mai kiran ALLAH kuma kuyi
imani dashi, ya gafarta muku daga
zunubanku, kuma ya tsirar daku daga
azaba mai rad’ad’i.”. [Ahqaf:29-31]
.
Wasu malamai suna ganin ita Da’awah yanki ne na umurni da kyawawan ayyuka
da hani ga munana. Masu wannan ra’ayi
sun taqaita kalmar Da’awah bisa ma’anar
IRSHAD wadda ke taqaita zuwa ga
shiryar da mutane cikin addinin
musulunci domin ALLAH (SWT) Yana cewa acikin littafinsa Mai girma:
.
ﺍﺩْﻉُ ﺇِﻟَﻰٰ ﺳَﺒِﻴﻞِ ﺭَﺑِّﻚَ ﺑِﺎﻟْﺤِﻜْﻤَﺔِ ﻭَﺍﻟْﻤَﻮْﻋِﻈَﺔِ ﺍﻟْﺤَﺴَﻨَﺔِ
ﻭَﺟَﺎﺩِﻟْﻬُﻢ ﺑِﺎﻟَّﺘِﻲ ﻫِﻲَ ﺃَﺣْﺴَﻦُ ﺇِﻥَّ ﺭَﺑَّﻚَ ﻫُﻮَ ﺃَﻋْﻠَﻢُ ﺑِﻤَﻦ ﺿَﻞَّ
ﻋَﻦ ﺳَﺒِﻴﻠِﻪِ ﻭَﻫُﻮَ ﺃَﻋْﻠَﻢُ ﺑِﺎﻟْﻤُﻬْﺘَﺪِﻳﻦ َ .
” Kayi kira zuwa ga hanyar Ubangijinka
(ALLAH) da hikima da wa’azi mai kyau
kuma kayi jayayya dasu ga magana
wadda take mafi kyau, Lallai ne
Ubangijinka (ALLAH) shine mafi sani ga wanda ya 6ace daga hanyarsa, kuma
shine mafi sani ga masu
shiryuwa.” [Nahl:125]
.
Amma acikin bayanan da suka gabata da
wad’anda zasu biyo baya, Kalmar Da’awah tana d’aukan dukkan abunda ya
qunshi salo da hanyoyin isar da saqon
addinin ALLAH ne zuwa ga bayinsa.
Wallahu a’alam.
.
Mu had’u a FITOWA TA 5 Inshaa ALLAH.

003 BAYANI AKAN DA’AWAH BISA KOYARWAR ALQUR’ANI DA SUNNAH

^^^ZAUREN MUSLIM UMMAH^^^
.
LITTAFI: BAYANI AKAN DA’AWAH BISA
KOYARWAR ALQUR’ANI DA SUNNAH.
.
WALLAFAR: SHEIKH ALIYU SA’EED GAMAWA.
.
___________FITOWA TA
3___________
.
Malam ya cigaba da bayani akan TUSHEN DA’AWAH da cewa:
.
Alal misali, acikin ‘yan shekaru kalilan
Annabi Muhammad (Sallallahu Alaihi
Wasallam) yayi yana da’awah a garin
Makkah, tun gabannin hijirarsa zuwa Madinah, wad’anda suka amsa kiransa a
wannan lokaci sun samu fa’idodi masu
yawa a rayuwar su. Banbanci tsakanin
lokacin jahiliyya da lokacin fara da’awah
ya bayyana a sarari tamkar banbanci
tsakanin dare da rana. .
Wannan al’amari ya fito fili cikin bayanin
da Ja’afar Bin Abi ‘Dalib ya gabatar a
lokacin da ya tashi a gaban Sarki
Najjashi na Habasha, Yace: “Mun
kasance mu al’umma ce dake rayuwa cikin jahiliyya, masu bautar gumaka,
masu cin mushe, muna aukuwa zuwa
munanan ayyuka na alfasha, muna yanke
zumunta tsakaninmu, muna cutar da
makwabtanmu, masu karfi daga cikin mu
suna danne masu rauni. Mun kasance cikin wannan kangi har ALLAH ya aiko da
Manzonsa zuwa gare mu, wanda mun
san nasabarsa, Mun san gaskiyarsa da
amanarsa da kamewarsa.
.
Wannan Manzo ya kira mu (wato yayi mana da’awah) zuwa ga ALLAH don mu
kad’aita shi wajen bauta, mu tsarkake shi
tare da kauracewa abunda mu da
iyayenmu ke bautawa na daga duwatsu
(gumaka), Ya umurce mu da gaskiya
wajen magana da riqon amana da sada zimunci, kyautatawa maqwabt, kamewa
daga ketare haddi da zubar da jini a
tsakanin mu, Ya hanamu aukawa cikin
ayyukan alfasha da fad’in abunda bamu
da tabbas akai, da cin dukiyar maraya da
yin qazafi ga salihan mata, Ya umurce mu da mu kad’aita ALLAH wajen bauta,
kada mu had’a shi da kowa ……..”
.
Wad’annan kad’an kenan daga cikin
kalamun babban sahabin Manzon ALLAH
(Sallallahu Alaihi Wasallam) a lokacin da yake bayyana irin fa’dodin da aikin
da’awah na Manzon ALLAH (Sallallahu
Alaihi Wasallam) ya kawo a tsakanin
al’ummah ta kuma baiwa mai rauni
kariya, tana samar da tsarin rayuwa mai
cike da daidaito da kyautatawa, Da’awah tana haskaka rayuwar d’an Adam ta
samar masa kima da d’aukaka. ALLAH
(SWT) Yana cewa:
.
ﻳَﺎ ﺃَﻫْﻞَ ﺍﻟْﻜِﺘَﺎﺏِ ﻗَﺪْ ﺟَﺎﺀَﻛُﻢْ ﺭَﺳُﻮﻟُﻨَﺎ ﻳُﺒَﻴِّﻦُ ﻟَﻜُﻢْ ﻛَﺜِﻴﺮًﺍ
ﻣِّﻤَّﺎ ﻛُﻨﺘُﻢْ ﺗُﺨْﻔُﻮﻥَ ﻣِﻦَ ﺍﻟْﻜِﺘَﺎﺏِ ﻭَﻳَﻌْﻔُﻮ ﻋَﻦ ﻛَﺜِﻴﺮٍ ﻗَﺪْ ﺟَﺎﺀَﻛُﻢ ﻣِّﻦَ ﺍﻟﻠَّﻪِ ﻧُﻮﺭٌ ﻭَﻛِﺘَﺎﺏٌ ﻣُّﺒِﻴﻦٌ٭ ﻳَﻬْﺪِﻱ ﺑِﻪِ ﺍﻟﻠَّﻪُ ﻣَﻦِ
ﺍﺗَّﺒَﻊَ ﺭِﺿْﻮَﺍﻧَﻪُ ﺳُﺒُﻞَ ﺍﻟﺴَّﻠَﺎﻡِ ﻭَﻳُﺨْﺮِﺟُﻬُﻢ ﻣِّﻦَ ﺍﻟﻈُّﻠُﻤَﺎﺕِ
ﺇِﻟَﻰ ﺍﻟﻨُّﻮﺭِ ﺑِﺈِﺫْﻧِﻪِ ﻭَﻳَﻬْﺪِﻳﻬِﻢْ ﺇِﻟَﻰٰ ﺻِﺮَﺍﻁٍ ﻣُّﺴْﺘَﻘِﻴﻢٍ
.
“Ya mutanen littafi! Lallai ne, Manzon mu
yaje muku yana bayyana muku abu mai yawa daga abunda kuka kasance kuna
6oyewa daga littafi, kuma yana
rangwame daga abu mai yawa, Haqiqa
wani haske da wani littafi mai bayyanawa
yaje muku daga ALLAH ٭ ALLAH Yana shiryar da wanda yabi yardarsa zuwa ga
hanyoyin aminci, kuma yana fitar dasu
daga duffai zuwa ga haske da izininsa,
kuma yana shiryar dasu zuwa ga hanya
madaidaiciya.” [Ma’idah:15-16]
. Mu had’u a FITOWA TA 4 Inshaa ALLAH.