HAKKOQIN SAHABBAI AKAN MU.* Tare da :- *Sheikh Barr.Ishaq Adam Ishaq (Hafizahullah).

*MUHADARA MUHADARA.* *Maudu’i.*
*HAKKOQIN SAHABBAI AKAN MU.*
Tare da :- *Sheikh Barr.Ishaq Adam Ishaq
(Hafizahullah).* *Daga Majlisin Aliyu Ibn Abi Dalib da ke
Unguwar Kududdufawa kofar Gidan Alh
Nasidi Alin Abba Kano municipal.*
Ranar Alhamis
08/05/1439
25/01/2018 Danna link na kasa domin downloading http://darulfikr.com/s/40750 Ayi sauraro lafiya.
kasance da Darulfikr.com domin samun karatukan malaman Sunnah a saukake.
Darulfikr taku ce domin yada Sunnah.

Advertisements

005 BAYANI AKAN DA’AWAH BISA KOYARWAR ALQUR’ANI DA SUNNAH

NAU’O’IN DA’AWAH
.
DA’AWAH kamar yadda bayani ya
gabata, kalma ce wadda ta tattaro wata
hanya da za’a isar da saqon Musulunci.
Don haka akwai nau’o’in isar da da’awah ga bani adam bisa la’akari da irin
mutanen da ake yiwa da’awar daga
yanayin rayuwarsu da kuma salo ko
yanayin isar musu da saqon.
.
Wato ana gabatar da da’awah ne bisa nau’in da ya dace da saqon da ake
qoqarin isarwa ga al’umma, A bisa
wannan ne aka umurci Manzon ALLAH
(Sallallahu Alaihi Wasallam) da ya
gabatar da aikin da’awah bisa nau’o’i ko
salon-hikima, ta hanyar wa’azi mai kyau da kuma jayayya bisa Abunda yake mafi
kyau a tsakanin wad’anda yake isarwa
saqon.
.
Ana la’akari da irin saqon da ake isarwa
da kuma wadanda ake buqatar isarwa zuwa gare su wajen amfani da wani nau’i
na da’awah, wasu daga cikin nau’o’in
da’awah sun had’a da IRSHAD ko
shiryarwa zuwa ga addinin musulunci,
Umurni da kyawawan ayyuka da hani
zuwa ga munanan da dai sauransu. .
SHIRYARWA ZUWA GA ADDININ
MUSULUNCI (IRSHAD KO DA’AWAH)
.
Wannan aikin da’awah ne wadda ya
qunshi isar da saqon musulunci ga al’ummomi ko mutanen da basu kar6e shi
ba, daga cikin masu riqe da littafi ko
kuma masu bautar wanin ALLAH da kuma
wad’anda basu da wani addini baki
d’aya, wannan shine jigon abunda aka
aiko dukkan Annabawa da Mursalai akai. Wato qiran mutane su kad’aita ALLAH
wajen bauta ta hanyar barin addinin
qarya da suke bi, ko kuma domin su
fahimci muhimmancin rayuwa cikin
addini, ga wad’anda basu yi riqo ga ko
wani addini ba kuwa sai ya zamanto hanyar jan hankalinsu zuwa ga addinin
Musulunci.
.
A qarqashin wannan Nau’u na da’awah,
tilas ayi la’akari da irin mutumin da za’a
isar wa wannan saqo, Alal misali ya kamata a fahimci wane tafarki yake akai,
menene fahimtarsa ga rayuwa da addini,
ya iliminsa da wayewarsa yake da dai
sauransu.
.
Malam Ahmad Deedat (ALLAH Yayi masa Rahama), malami ne da ya shahara
wajen qiran mabiya addinin kirista zuwa
ga musulunci, ya bada wani misali na
yadda ake la’akari da yanayin irin
mutumin da ake yiwa da’awah ayayin isar
da saqon ALLAH, yayi nuni da yadda ALLAH (SWT) da kansa ya amsawa wasu
rukunnan al’umma guda biyu a lokacin da
suke da’awar jingina shi da ‘Ya’yaye ko
suka yi masa tarayya awajen
kad’aitakarsa.
. Mu had’u a FITOWA TA 6 Inshaa ALLAH.
.
Zaku iya liking page dinmu a:-
. https://m.facebook.com/Zauren-Muslim-
UMMAH-816256835116345/

*ZAN IYA FASA ABIN DA NA YI NIYYA A ZUCIYATA ?*

*ZAN IYA FASA ABIN DA NA YI NIYYA A
ZUCIYATA ?*
*Tambya Assalamu alaikum Malam, barka da
kokari tare da fatan Allah Ya saka da
alheri. Mutum ne abokin shi ya tambaye
sa bashi, shi kuma sai ya bashi amma a
zuciyar shi sai ya raya kyauta ya bashi.
bayan abokin ya samu sai ya dawo mashi da kudin shi kuma kawai sai ya karba
kayan shi. Malam Ya matsayin kudin a
wurin sa ?
*Amsa:*
Wa alaikum assalamTo dan’uwa tun da
riyawa ka yi a zuciya, ba ka furta ba, to hukuncin bai hau ba, kuma ba ka da laifi
in ka fasa, Annabi S.a.w. yana cewa :
“Allah ya daukewa Al’umata abin da suka
riya a zuciyar şu, mutukar ba su furta ba”
Bukhari hadisi mai lamba ta: 4869.
Saidai yana da kyau ka Sani cewa : duk lokaçın da za ka yi kyauta to Sheidan zai
dinga nuno maka talauci, duk wanda ya
bayar da wani abu saboda Allah, tabbas
Ubangiji zai mayar masa da ninkin-ba-
ninki, kamar yadda hakan ya tabbata a
ayoyi da yawa a cikin alqu’ani mai girma. Allah ne mafi sani.
*Amsawa*
*DR. JAMILU YUSUF ZAREWA*
8/1/2016.
Daga *ZAUREN FIQHUS SUNNAH*

NISABIN ZAKKAR KUDI DR. JAMILU YUSUF ZAREW

NISABIN ZAKKAR KUDI !
Tambaya : Malam donAllah
nawa ne nisabin zakka a
yanzu ?, saboda ina da wasu ‘yan kudade ne na
ke so na sani, ko akwai hakkin Allah a cikin su,
Allah ya kara maka albarka a rayuwarka.
Amsa : To dan’uwa amsa wannan tambayar yana da
mutukar wahala, saboda ya dogara ne da
sanin kudin gram din gwal a kasuwa, ko
kuma na azurfa, domin yana daga cikin kuskure
rubuta nisabi daya tal ga zakka, har zuwa
tsawon shekara guda, kamar yadda wasu suke
yi a calendar, saboda gwal yana tashi a
kasuwa yana kuma sauka . Wannan ya sa na yi
tattaki zuwa kasuwar masu saida gwal a
Madina ranar talata : 2/12/2014 , in da na samu
cewa har zuwa ranar ana saida kowanne gram
daya na gwal din da ba’a sana’anta shi ba akan
kwatankwacin naira : 5969, kamar yadda muka
sani gram 85, shi ne nisabin zakka, don haka,
in muka buga wancan adadin sau 85 , zai ba
mu : dubu dari biyar da bakwai da dari uku da
sittin da biyar (507365). Wannan shi ne nisabin
zakka, har zuwa tarihin da na rubuta a
sama, idan har kudinka sun kai wannan adadi,
kuma shekara guda ta zagayo musu, to zakka
ta wajaba a cikinsu, za ka raba gida arba’in
ka bayar da kashi daya . Allah ne mafi sani

★YAD’A SALLAMA ACIKIN AL’UMMA★

★YAD’A SALLAMA ACIKIN AL’UMMA★
.
Sallama ita ce gaisuwar ‘Yan Aljannah,
ita ce farkon abunda Annabi Adam (AS)
ya fara yiwa Mala’iku. Amma da yawa
daga cikin Al’ummah basa bawa sallama muhimmanci, kuma haqiqa sallama tana
da daraja ta musamman acikin addinin
musulunci, haka zalika wasu sun dauketa
abun wasa sai ayi musu sallama baza su
masa ba ko kuma su fad’a waje ba tare
da sallama ba. .
Daga cikin Alqur’ani mai girma da Hadisai
masu inganci da dama sun zo dangane
da yad’a sallama acikin a cikin al’umma.
.
★ WASU AYOYI DAGA ALQUR’ANI MAI GIRMA DA SUKE TABBATAR DA
SALLAMA ACIKIN ADDININ ALLAH
.
●ALLAH (SWT) yace: ” Yaku da kuka yi
imani, kada ku shiga gidajen da ba naku
ba har sai kun nemi izini kunyi sallama ga masu gidan” [suratul Nur]
.
●ALLAH (SWT) yace: ” Idan zaku shiga
gida, to kuyi sallama akan kawunanku,
gaisuwa daga ALLAH mai albarka,
daddada”. [suratul Nur] .
●ALLAH (SWT) yace: ” Idan an gaishe ku
da gaisuwa mai kyau to kuma ku gayar
dasu da wacce tafi ta kyau ko kuma ku
mayar da kwatankwacin wacce aka
muku” [suratul Nisa’i] .
★HADISAI DAGA ANNABI (Sallallahu
alaihi wasallam) WANDA SUKE
TABBATAR DA SALLAMA ACIKIN
AL’UMMA:
. ●Yazo cikin Bukhari da Muslim cewa wani
mutum ya tambayi Manzon ALLAH
(Sallallahu alaihi wasallam) cewa wani
abu ne mafifici a musulunci, sai Manzon
ALLAH (Sallallahu alaihi wasallam) yace:
Ciyarwa, sannan yin sallama ga wanda ka sani da wanda baka sani ba”
.
●Yazo daga Barra’u dan Azib (RA) Yace:
Manzon ALLAH (Sallallahu alaihi
wasallam) ya umurce mu da abubuwa
guda bakwai (7): gaisar da marar lafiya, da raka jana’iza, da gaisar da mai
atishawa, da taimakon raunannu,da
agazawa wanda aka zalunta, da daidaita
sallama da ku6utar da
rantsuwa” [Bukhari Muslim]
. ●Manzon ALLAH (Sallallahu alaihi
wasallam) Yace: “Ya ku mutane ku yada
sallama, ku sadar da zumunta,kuma kuyi
sallar dare,lokacin da mutane suke bacci,
sai ku shiga Aljanna tare da
aminci” [Tirmizi] .
●Manzon ALLAH (Sallallahu alaihi
wasallam) yace: ” Ba zaku shiga Aljannah
ba sai kunyi imani, kuma baza ku yi imani
ba har sai kun so junanku, shin bana
nuna muku wani abu da in kunyi shi zaku so juna ba? Ku yada sallama a
tsakaninku” [muslim]
.
●Daga Ammar (RA) Yace: Abubuwa uku
wanda duk ya hada su ya hada imani:
Mutum yayi adalci ga kansa, da yada gaisuwar sallama acikin al’umma, da yin
kyauta acikin rashin wadata”
.
[Bukhari da Fat’hul bari 1/82, ya ruwaito
shi daga maganar Ammar ba tare da ya
ambaci isnadinsa ba] .
★WASU HUKUNCE- HUKUNCEN
SALLAMA:
.
●Yin sallama Yayin da kazo cikin mutane,
da yayin da zaka rabu dasu. .
●Qarami shine zai yi wa babba sallama.
.
●Wanda yake kan abun hawa shi zai yiwa
na qasa sallama.
. ●Mutane kad’an su zasu yiwa masu yawa
sallama.
.
●Idan kayi sallama sau 1 ba a amsa ba
kayi haquri ka maimaitata har sau 3 har
ajika a amsa maka. .
●Idan kaje gidan mutane kayi sallama,
aka amsa maka kada ka shiga sai anyi
maka izini.
.
★SALLAMAR DA TAFI DACEWA: .
Mutane da yawa sunfi bada himma
wajen rubuta wadannan kalmomin a
matsayin sallama:
.
•slm, Aslm Alkm, wslm. .
A gaskiya Yan’uwa muyi qoqari mu ringa
rubuta cikakkiyar sallama ba abriviation
ba. domin inganta abunda yazo daga
Addininmu ba koyi da yahudu da Nasara
ba. .
Yazo acikin Riyadus-saliheen daga
Manzon ALLAH (Sallallahu Alaihi
Wasallam) Yace:
.
● Assalamu Alaikum [Lada 10] .
●Assalamu Alaikum Warahmatullah
[Lada 20]
.
●Assalamu Alaikum Warahmatullah
Wabarkatuhu [Lada 30] .
ALLAH Ya bamu ikon tabbatar da Sunnah
a koda yaushe (Ameen)
.
-Faridah Bintu Salis
(Bintus~sunnah)

002. ADDU’AR SANYA TUFAFI

002. ADDU’AR SANYA TUFAFI GARKUWAR MUSULMI TA ADDU’O’I DAGA ALKUR’ANI DA SUNNAH (Hisnul Muslim) TA’ALIFIN Shaikh Sa’id Ibn Ali Ibn Wahf Alkandahi FASSARAR Dr. Bashir Aliyu Umar Hafizahullah GABATARWA. Abubakar Nuhu Koso <> . (5) ﺍﻟﺤَﻤْﺪُ ﻟﻠﻪ ﺍﻟﺬِﻱ ﻛَﺴﺎﻧﻲ ﻫﺬﺍ ( ﺍﻟﺜﻮﺏ ) ﻭﺭَﺯَﻗَﻨِﻴﻪ ﻣِﻦْ ﻏَﻴْﺮِ ﺣَﻮْﻝٍ ﻣِﻨّﻲ ﻭﻻ ﻗُﻮﺓٍ ” Dukkan yabo ya tabbata ga Allah, wanda Ya tufatar dani wannan (tufa) kuma ya azurtani da ita, ba tare da wata dabara daga gareni ba, ko wani karfi. DUBA (5) Abu Dawud, Tirmizi da Ibn Majah, duba Irwa’ul Ghalil hadisi mai lamba 1989